Таиландта қазақ фельдшері екі жасар баланың өмірін сақтап қалды

Фото: JAGDAI телеграм арнасы

Таиландта демалыста жүрген қазақстандық фельдшер Гауһар Әкімова екі жасар бүлдіршінге дер кезінде көмек көрсетіп, оның өмірін аман алып қалды. Бұл туралы Qazaqtoday.info ақпарат порталы хабарлады.

Әлеуметтік желіде тараған ақпаратқа сәйкес, инфекция салдарынан ұстамаға ұшыраған екі жасар қыз балаға шұғыл медициналық көмек қажет болған. Баланың туыстары айналадағы туристерден жәрдем сұраған сәтте, сол маңда жүрген қазақстандық фельдшер бірден әрекет еткен.

Гауһар Әкімова алғашқы медициналық көмекті көрсетіп, баланың жағдайын тұрақтандырған және жедел қызмет өкілдері келгенше жанынан шықпай, бақылауда ұстаған. Дер кезінде жасалған кәсіби әрекет арқасында бүлдіршіннің өміріне төнген қауіп сейілді.