«Сабақ өткізбей жалақы алған» — Астанада мектеп директоры қызметінен қуылды
Осыған дейін Астанадағы №49 мектептің 10 сынып оқушылары мектеп директоры жоспарлы сабақтарды өткізбегенін айтып, бейнеүндеу жолдаған болатын. Оқшулардың шағымынан кейін қалалық білім басқармасы қызметтік тексеріс жүргізген, деп хабарлайды Qazaq.today ақпараттық агенттігі.
«Қызметтік тексеру жүргізу үшін Басқарманың 26 мамырдағы № 1098 бұйрығына сәйкес жұмыс тобы құрылды. Сол күні тексеріс жүргізіліп, жұмыс қорытындысы бойынша мектеп директорының әрекеті тәртіптік комиссия отырысында қаралды. Бүгінгі таңда басқарманың 29 мамырдағы №1113 бұйрығымен №49 орта мектебінің директоры қызметінен босатылды», — деп хабарлады қалалық білім басқармасының баспасөз қызметі.
Айта кетейік, бұдан бұрын елімізде бір мектепті 7 жылдан артық басқарған директорлар жаппай тексерілетіні хабарланған.
Ақпарат көзі: Ulys.media
Qazaq.today
