Полиция департаменті басшысының ұлы есірткі сатумен айналысқан — сот

Маңғыстау облысында полиция полковнигінің ұлы 10 жылға сотталды, деп хабарлайды Qazaq.today жергілікті Lada.kz-ке сілтеме жасап.

Батыс Қазақстан облысы полиция бастығының орынбасары Талғат Арыновтың ұлы Нұржан Арынов есірткі сатқаны үшін 10 жылға бас бостандығынан айырылды.Іс Маңғыстау облысының қылмыстық істер жөніндегі мамандандырылған ауданаралық сотында қаралды,

Соттың мәліметінше, іс 2024 жылдың 21 қазанында алқабилердің қатысуымен қаралған. Сотталушы ҚР ҚК 297-бабы 3-бөлігінің 1, 3, 5-тармақтары бойынша  айыпталған.

Мемлекеттік айыптаушы Нұржан Арыновтан 11 жыл бас бостандығынан айыруды сұрады. Ол және оның қорғаушылары оны ақтауды сұрады.

«Сотталушының іс бойынша қылмыстық жауаптылығын жеңілдететін және ауырлататын мән-жайлар болған жоқ. Алқабилердің үкімімен ол осы қылмысты жасағаны үшін кінәлі деп танылды. 10 жылға бас бостандығынан айыру тағайындалды. Үкім заңды күшіне енген жоқ», — деп хабарлады сотта.

Естеріңізге сала кетейік, 2023 жылы полиция полковнигінің ұлы Telegram мессенджері арқылы психотроптық заттарды таратуға тырысқан.