«Аптап ыстық жалғасады»- синоптиктер болжамын айтты

Қазгидромет мәліметтерінше, аптап ыстық қысқа уақытқа ғана басылады. Синоптиктер 10-12 маусымда ауа райы қандай болатыны туралы болжам жасады, деп хабарлайды Qazaq.today Azattyq Ruhy.-на сілтеме жасап.

Метеорологтардың мәліметінше, Қазақстанның көп бөлігінде циклон мен атмосфералық фронтал бөліктерінің әсерінен найзағай ойнап, қатты жел соғып, бұршақ жаууы мүмкін.

10-12 маусымда елдің солтүстігінде, шығысында, орталығында және оңтүстік-шығысының таулы аймақтарында қатты жаңбыр, оңтүстік-батысында, оңтүстігінде шаңды дауыл соғады.

Аптап ыстық қысқа уақытқа басылады. 10-12 маусымда сынап бағанасы солтүстікте, шығыста 29 градусқа дейін, орталықта 33, республиканың оңтүстік-шығысында 28 градусқа дейін жылы болады деп күтіледі. Содан кейін қайтадан аптап ыстық жалғасады.

Qazaq.today