Ипотека мөлшерлемесі өсті: Шекті деңгей 25%-ға дейін бекітілді
Ипотека бойынша шекті мөлшерлеме 25%-ға дейін өсті. Бұл қадам базалық ставканың 18% болуына байланысты қабылданды.
Фото: pexels.com
Енді ипотекалық қарыздар бойынша банктер жылдық 25%-ға дейін тиімді сыйақы мөлшерлемесін ұсына алады. Бұған дейін жоспарланған 20%-дық шектеу тоқтатылды, шекті мөлшерлеме уақытша көтеріледі, деп хабарлайды Qazaqtoday ақпарат агенттігі.
Қаулы 26 желтоқсанда тіркеліп, 2025 жылдың 1 қарашасынан 2026 жылдың 1 шілдесіне дейін қолданылады.
Қаржы реттеуші органдар бұл шешімді базалық мөлшерлеменің 18% деңгейінде жоғары тұруымен және банктердің ипотека беруді мүлде тоқтатуы ықтималдығымен түсіндірді.
«Егер 20% шек сақталса, екінші деңгейлі банктер ипотекалық несие беруді күрт азайтар еді», — деп мәлімдеді агенттік мамандары.
Жаңа шек екінші деңгейдегі банктерге ипотеканы нарыққа бейімделген талаптармен жалғастыруға мүмкіндік береді.
