«Сындырып жатыр»: Қайрат Сатыбалдыға түрмеде қысым көрсетілгені жайлы ақпарат тарады

Ғаламторда экс-президент Нұрсұлтан Назарбаевтың інісі Қайрат Сатыбалдыға колония қабырғасында физикалық қысым көрсетіліп, моральды тұрғыдан «сындырып» жатқаны туралы ақпарат тарады, деп хабарлады ҚазТАГ.

Хабарлама авторы Назарбаевтың інісін «Қазақстан салафиттерінің көшбасшысы» деп атаған. Түрмеде Қайрат Сатыбалды отырған камераға тағы екі тұтқынды орналастырған. Олардың басты тапсырмасы Қайрат Сатыбалдыға физикалық қысым көрсету, моральды тұрғыдан «сындыру». Хабарлама авторларының айтуынша, осындай әрекеттер арқылы Қайрат Сатыбалдының менмендігі мен тәкаппарлығын басу көзделген.

«Кешке жанына жаңа тұтқындар камераға орналастырылған соң, ұлттық қауіпсіздіктің сотталған экс-генералы бірден колониядағы қоғамдық орындарды тазалаумен айналысты», — делінген хабарламада.

 

Ал, Қылмыстық атқару комиетінің мәліметінше, экс-президенттің інісіне қысым жасалғаны жайлы шағым түспеген. Қайрат Сатыбалды қазір №22 түзету мекемесінде жазасын өтеп жатыр.

«Сотталған Сатыбалды Қ. қолданыстағы заңнамаға сәйкес Шығыс Қазақстан облысы бойынша түзеу мекемесінің №22 мекемесінде жалпы негізде жазасын өтеп жатыр. Басқа сотталғандарға қатысты мекеме әкімшілігіне және жоғары тұрған органдарға арыздармен жүгінбеген. Ішкі тәртіп ережелеріне сәйкес, Сатыбалды Қ. басқа сотталғандармен бірге қамауда. Сотталғандар тарапынан Сатыбалды Қ.-ға қатысты заңсыз әрекеттер тіркелмеген. Бірқатар мекемелер сияқты бұл мекемеде де бейнебақылау жүйесі орнатылған», — деп хабарлады ІІМ Қылмыстық атқару жүйесі комитетінің (ҚАЖК) баспасөз қызметі.