Қазақстандық блогер 3,9 жылға бас бостандығынан айырылды
Фото: видеодан скрин
Блогер Аслан Төлегенов желіде «Солтүстік Қазақ» деген атпен танымал, ұлтаралық араздықты қоздыру және саналы түрде жалған ақпарат тарату ісі бойынша 3 жыл 9 айға бас бостандығынан айырылды, деп хабарлайды Qazaq Today ақпарат порталы.
Ақмола облысы Көкшетау қалалық сотының мәліметінше, Төлегенов YouTube арнасында ұлтаралық араздықты қоздыруға бағытталған видеороликтер жариялаған және саналы түрде жалған ақпарат таратқан.
Сотта ол өз кінәсін толық мойындаған.
Іс қысқартылған тәртіпте қаралып, кінәсі сараптамалық қорытындылар, ұялы телефон тексерісі, интернет-сайт материалдары және видеожазбалар арқылы дәлелденген.
Сот үкіміне сәйкес Төлегенов орта қауіпсіздік режиміндегі колонияда жазасын өтейтін болады. Үкім әлі заңды күшіне енген жоқ.
