Қазақстанда баспанаға берілетін зейнетақы жинағына қатысты өзгеріс болуы мүмкін
Қазақстанда біржолғы зейнетақы төлемдерін ипотека бойынша негізгі қарызды өтеуге, ай сайынғы төлемді азайтуға және кредит мерзімін қысқарту үшін пайдалануға рұқсат етілуі мүмкін. Өнеркәсіп және құрылыс министрлігі бұйрық жобасын әзірлеген, деп хабарлайды Qazaq Today ақпарат порталы.
Құжат «Ашық НҚА» порталында жарияланған.
Министрлік қазақстандықтардың банктер алдындағы борыш жүктемесін азайту үшін зейнетақы жинағының артылған бөлігін ипотека бойынша негізгі қарызды өтеуге не ай сайынғы төлемді азайтуға не несие мерзімін қысқартуға пайдалануды ұсынып отыр.
Сонымен қатар, жаңа Салық кодексіне байланысты жеке тұлғалар зейнетақы төлемдерінен жеке табыс салығын төлеуден босатылмақ.
Бұйрық жобасы 21 қарашаға дейін қоғам талқысына шығарылды.
