Халық зар жылауда: Банктердің алаяқтыққа тікелей қатысы бар

Фото: Видеодан алынған кадр 

Елімізде азаматтардың атына банктер арқылы заңсыз несие рәсімдеу деректері күрт көбейді. Зар жылаған жұрт бұл істің артында банк қызметкерлерінің өздері тұруы мүмкін деп күдіктеніп отыр, деп хабарлайды Qazaq Today ақпарат порталы. 

Мәселен әлеуметтік желі инстаграмда rahym_help_sos парақшасында жарияланған видеода халық зар жылауда. Олар алаяқтық құрбаны болғанын айтып, көмек сұрайды. Себебі көптеген жағдайда несие рәсімдеу кезінде банк жүйесінде тек қызметкер қол жеткізе алатын мәліметтер қолданылған.

Кей тұрғындар банктен өз атына бірнеше несие алынғанын тек коллекторлар хабарласқанда білген. Сарапшылар банктердегі ішкі қауіпсіздік жүйесі әлсіз екенін және бұл жағдай тұтас қаржы жүйесіне сенімді төмендетіп жатқанын айтады.

Қазір Қаржы нарығын реттеу агенттігі мен құқық қорғау органдары бұл істер бойынша тексеріс жүргізіп жатыр.