ЕО Ресейге қарсы жаңа санкциялар жариялады
Еуропалық Одақ Украинадағы жағдайға қатысы бар ресейлік жеке және заңды тұлғаларға қарсы төртінші санкциялар пакетін мақұлдады, — деп хабарлайды Reuters.
ЕО-ға төрағалық ететін Франция блок халықаралық серіктестермен кеңесіп, Украинаға қарсы агрессияға қатысы бар жеке және заңды тұлғаларға, сондай-ақ Ресей экономикасының бірнеше саласына қарсы төртінші санкциялар пакетін мақұлдағанын мәлімдеді.
Француз төрағалығының мәлімдемесінде Ресей үшін саудадағы ең қолайлы режим алынғанын және блок Беларусьтің Дүниежүзілік сауда ұйымына (ДСҰ) кіру туралы өтінішін қарауды тоқтата тұратыны айтылған. Reuters мәліметінше, бұл блок енді өз тауарларына жоғары тарифтер енгізіп, Ресейді Солтүстік Кореямен немесе Иранмен бір қатарға қоя алады дегенді білдіреді.
Агенттіктің дипломатиялық дереккөздеріне сәйкес, санкцияларға ресейлік болат пен темірді импорттауға тыйым салу, 50 000 еуродан асатын автомобильдерді, сәнді тауарларды экспорттауға тыйым салынады.
Сонымен қатар, Ресейдің энергетикалық секторына жаңа еуропалық инвестицияларға және ел санкцияларды айналып өтуге тырысатын криптовалютаны қолдануға тыйым салынады. Атап айтқанда, миллиардер Роман Абрамовичтің және тағы Ресейдің 14 азаматының активтері тоқтатылды.
Еуропалық комиссия президенті Урсула фон дер Ляйен ЕО Ресейдің жетекші экономикалық ұйымдарға, соның ішінде Халықаралық валюта қоры мен Дүниежүзілік банкке мүшелік құқығын тоқтата тұру бойынша жұмыс істеп жатқанын айтты.
Жаңа санкциялар жақын арада ЕО-ның ресми журналында жарияланғаннан кейін ресми түрде күшіне енеді.
