«Әр тамшысы халықтың игіліге қызмет етуі тиіс»: Мәжілісте уран мен мұнайды пайдалану тәртібі айтылды

Фото: видеодан скрин

Бүгін Мәжілісте «Жер қойнауы және жер қойнауын пайдалану туралы» кодекске өзгерістер енгізу жөніндегі заң жобасы талқыланды, деп хабарлайды Qazaq Today ақпарат порталы.

Экология мәселелері және табиғат пайдалану комитетінің төрағасы Еділ Жаңбыршиннің айтуынша, құжат көмірсутектер мен уран саласындағы жер қойнауын пайдалануды жетілдіруге бағытталған. Ол бұл өзгерістер ұлттық байлықтың тиімді әрі әділ пайдаланылуын қамтамасыз ететінін айтты. Заң жобасы арқылы экологиялық талаптар күшейіп, табиғатқа келтірілетін залалды азайту көзделіп отыр.

Сонымен қатар, шетелдік және отандық компаниялардың жер қойнауын игеру жауапкершілігі арта түспек. Депутат уран мен мұнайдың әр тамшысы халықтың игілігіне қызмет етуі тиіс екенін ерекше атап өтті. Мәжіліс отырысында заң жобасы кеңінен қолдау тапты.