«Үш рет ұсынылдым»: Роза Рымбаева депутат болуға қатысты ойын айтты
Фото: видеодан скрин
ҚР халық әртісі Роза Рымбаева саясатқа қатысты пікір білдірді, деп хабарлайды Qazaq Today ақпарат порталы.
Өнер иесі Qajet арнасына сұхбат беріп, саясатқа көзқарасын айтты.
«Мен үш рет депуаттыққа ұсынылдым. Екі рет «НұрОтан» партиясының атынан, бір рет осы Бостандық ауданының атынан. Үшеуінен де бас тарттым. Мен депутат емеспін, саясаткер емеспін, заңгер емеспін», – деді әнші.
Сондай-ақ халық әртісі саясатқа араласқан әріптестерін де сынады.
“Ол жерде біздің әріптестерді көрдіңіз ғой отырған, әртістерді отырған. Әншілерімізді сіз білесіз, аттарын айтпай-ақ қояйын. Не бітірді, не айтты? Не үлес қосты? Көбінесе атақ үшін барды деп ойлаймын солар», – деді өнер иесі.
