Ерке Есмахан әлеуметтік желіден жоғалып кету себебін түсіндірді
Фото: erke_esmahan/Instagram
Танымал әнші Ерке Есмахан соңғы уақытта әлеуметтік желілерде сирек көрінуінің себебін айтты, деп хабарлайды Qazaq Today ақпарат порталы.
Өнер иесінің айтуынша, ол жай ғана өзінің ең сүйікті мезгілі — алтын күздің әр сәтінен ләззат алып жүр. Қазір ол отбасымен көбірек уақыт өткізіп, күйеуі мен балаларымен серуендейді. Сол себепті әлеуметтік желілерге уақыты жетпей жатқан көрінеді.
«Инстасыз да кайфую», — деді әнші.
Жуырда үшінші рет ана атанған Ерке декреттегі өмірі жайлы да айтып өтті:
«Күн сайын серуен, түскі ас дайындаймын, сериал көремін, күйеуіммен әрлі-берлі жүреміз сол», — деді ол.
