Астана — Ташкент әуе рейсінің саны артады
Қазақстан мен Өзбекстан астаналары арасындағы рейстер саны артады, деп хабарлайды Qazaq.today Азаматтық авиация комитетінің баспасөз қызметіне сілтеме жасап.
«ҚР ИИДМ Азаматтық авиация комитеті қазақстандық әуе компанияларымен бірлесіп, халықаралық рейстердің санын көбейту және ұшу географиясын кеңейту бойынша жұмыс жүргізуде. 2023 жылдың 3 шілдесінен бастап FlyArystan әуе тасымалдаушысы А-320 әуе кемелерімен аптасына екі рейс жиілігімен (дүйсенбі, сәрсенбі) Астана-Ташкент бағыты бойынша тікелей тұрақты жолаушылар рейсін ашуды жоспарлап отыр», – делінген комитеттің хабарламасында.
Елдер арасындағы әуе рейстерінің көбеюі Қазақстан мен Өзбекстан арасындағы сауда-экономикалық, мәдени және туристік қарым-қатынастарды одан әрі дамытуға ықпал етеді, деп атап өтті ведомство.
Qazaq.today
