Әбиба Әбужақынова Әлемдік рейтингте көш бастады
Фото: ijf.org
Қазақстандық спортшы Әбиба Әбужақынова 48 келіге дейінгі салмақ дәрежесінде әлемдік рейтингте бірінші орынға шықты.
Әбибаның еншісінде – 5021 ұпай. Екінші орында ресейлік Сабина Гилязова (4738 ұпай), үшінші сатыда италиялық Ассунта Скутто (4727 ұпай) тұр.
Әлемдік рейтингтің топ-15 қатарына тағы үш қазақстандық енді:
- Ғұсман Қырғызбаев (66 келі) – 12-орын;
- Елдос Сметов (60 келі) – 15-орын;
- Абылайхан Жұбаназар (81 келі) – 15-орын.
Айта кетейік, осыған дейін қазақстандық дзюдошылардан әлемдік рейтингтің көшін тек Елдос Сметов пен Галбадрах Отгонцэцэг бастаған болатын.
