18 жастағы астаналық айына 2 млн теңге тауып, оқуға түсуді кейінге қалдырды

Фото: ИА «NewTimes.kz»

18 жастағы Астана тұрғыны Алим Даулетбек айына шамамен 2 млн теңге табыс табады. Ол Astana Hub-та жетекші әзірлеуші болып жұмыс істеп, өзінің IT-студиясын басқарады және перспективалы стартапты іске қосқан. Осының бәрін қатар алып жүрген жасөспірім университетке түсуді кейінге қалдыруға шешім қабылдады.

Бұл туралы Qazaqtoday.info сайты хабарлайды.

Алим биыл астанадағы физика-математика бағытындағы Назарбаев Зияткерлік мектебін бітірген. Информатика саласындағы жетістіктері мен олимпиадалардағы жеңістеріне қарамастан, мектепте ол үштік те алып, мұғалімдермен жиі пікір таластырған.

Алғашқы ақшасын ол IT саласында 9-сыныпта тапқан: бизнес иесіне өзі хабарласып, сайт жасауды ұсынған, ол үшін шамамен 90 мың теңге алған. Уақыт өте тапсырыс көбейіп, астаналық серіктесімен бірге команда жинап, өз студиясын ашқан. Студия IT-инфрақұрылым аудитімен, процестерді автоматтандырумен, жасанды интеллект пен бизнеске арналған сервистерді енгізумен айналысады.

Қазіргі уақытта жас бағдарламашының табысы бірнеше көзден құралады:

• Шамамен 1 млн теңге — Astana Hub-та толық жұмыс күнімен жетекші әзірлеуші лауазымындағы жалақысы, сондай-ақ тағы екі жобадағы ішінара жұмысы;
• Шамамен 1 млн теңге — өзінің IT-студиясынан жеке табысы.

Сонымен қатар, астаналықтың еншісінде Гарвардта The Academies бағдарламасы бойынша оқу кезінде әзірленген жасөспірімдерге арналған Jobee тапсырыс маркетплейсі үшін алған марапаты бар.

Қазір Алим gap year (оқу алдындағы үзіліс) алып, ЖОО-ға түсуді уақытша кейінге қалдырды, дегенмен АҚШ-тың жетекші университеттеріне құжат дайындап жүр. Ол өзі мен командасы үшін басты басымдық ретінде жеке AI-стартапы agentmash-ты дамытуды атады, онымен халықаралық нарыққа шығып, Сан-Францискоға көшуді жоспарлап отыр.

«Откладывать приходится обычную подростковую жизнь – спорт, друзей, хобби, иногда сон. Понимаю, что это не навсегда. Сейчас тот период, когда нечего терять, можно и нужно вкладываться по максимуму», — деп бөлісті әзірлеуші.

Астаналықтың айтуынша, тапқан ақшасын ол спонтанды ірі сатып алуларға жұмсамайды, депозитте ұстайды, қаражатты негізінен уақытты үнемдейтін құралдар мен техникаға бағыттайды.