Ақмола облысында пойыз адамды қағып өлтірді
Фото: pixabay.com
Ақмола облысында темір жолда электр пойызы адамды қағып, мерт қылды, деп хабарлайды Qazaq Today ақпарат порталы.
Қайғылы оқиға 8 қыркүйекте Степногорск – Заводской теміржол учаскесінде болған. Машинист басқарған электр пойызы жаяу жүргіншіні қағып кеткен.
Қаза тапқан – 1987 жылы туған жергілікті тұрғын. Алдын ала мәлімет бойынша, ол қала бағытына қарай кетіп бара жатқан. Алған жарақатынан оқиға орнында көз жұмды.
Мәйіт сот-медициналық сараптамаға жіберілді.
Аталған факті бойынша сотқа дейінгі тергеу жүргізіліп жатыр. Оқиға орнында тергеу органдары мен прокуратура өкілдері жұмыс істеуде. Қайғылы жағдайдың барлық мән-жайы анықталуда.
