Тоқаев Краковтегі атысқа байланысты Польша президентіне көңіл айтты
Қасым-Жомарт Тоқаев Краковтегі атыс салдарынан қаза тапқандарға байланысты Польша президенті Кароль Навроцкийге көңіл айтты, деп хабарлады Ақорда.
Фото: Ақорда
Мемлекет басшысы Қасым-Жомарт Тоқаев Польша президенті Кароль Навроцкийге Краков қаласында болған атыс салдарынан адамдардың қаза табуына байланысты көңіл айтты. Бұл туралы Ақорда хабарлады.
Бұл туралы Qazaqtoday.info сайты хабарлайды.
«Мемлекет басшысы аталған қастандықты қатаң айыптап, Польша халқына қиын сәтте қолдау білдіретінін, сондай-ақ зардап шеккендердің тезірек сауығып кетуіне тілеулес екенін жеткізді», — деп жазылған хабарламада.
Еске сала кетейік, сенбі күні кешке Польша полициясы Краков қаласының орталығында белгісіз біреудің жүріп келе жатқан көліктен оқ атқанын хабарлады. Кейін құқық қорғау органдары алты адамның қаза тапқанын, тағы 16 адамның жараланғанын мәлімдеді. Зардап шеккендердің арасында полиция қызметкерлері де бар. Күдікті ұсталды. Ол жарақат алып, ауруханаға жеткізілген. Күдіктінің үйін тінту кезінде оның әпкесі мен ата-анасының мәйіттері табылған.
