Ninety One тобының мүшесі алғаш рет әке атанбақ (ВИДЕО)
Фото: Instagram /acetagrammy
Ninety One тобының мүшесі, АСЕ лақап атымен танымал әнші Азамат Ашмақын алғаш рет әке атанатынын айтып, сүйінші хабарды өз Instagram парақшасында жария етті, деп хабарлайды Qazaq Today ақпарал порталы.
Әнші ғашығымен гендер пати кезінде түскен видеоны жариялай отырып, жеке өміріндегі қуанышты жаңалықты бөлісетін уақыт болғанын жазды.
«Бүгін өміріміздегі маңызды да көптен күткен сәтті бөліскім келеді. Бұл сәтті біз үлкен толқумен, қуанышпен күттік. Енді кішкентай құпияны ашатын уақыт келді деп ойлаймын. Сіздерді осы жылы әрі қуанышты күнді бізбен бірге өткізуге біздің гендер патиге шақырамыз», — деп жазды әнші.
Айта кетсек, Азамат Ашмақынның жарының есімі — Нұрила Шакирова. Нұрила Instagram парақшасында өзін продюсер ретінде таныстырған.
