«Арманым орындалды»: Отандық кәсіпкер Дженнифер Лопеске қамзол кигізіп, құрмет көрсетті (ВИДЕО)

Фото: Instagram/dinmuhammed

2025 жылдың 1 тамызында Астанаға гастрольдік сапармен келген америкалық жұлдыз Дженнифер Лопеске отандық кәсіпкер Дінмұхаммед Сыздықов ұлттық камзол сыйлады, деп хабарлайды Qazaq Today ақпарат порталы.

Бұл ерекше сәт жайлы кәсіпкер 4 тамыз күні Instagram парақшасында бөлісті.

Сыздықов Джей Ломен бірге түскен суретін жариялап, сыйлықтың авторына алғыс білдірді.

«Дженниферге камзол кигізіп, үлкен арманым орындалды. Бұл қолөнер туындысын әзірлеген дизайнер Эльмира Ибрагимоваға алғысым шексіз! Шын көңілмен жасалған камзол Джей Лоға өте ұнады,» – деп жазды ол.

Айта кетейік, кәсіпкер әлеуметтік желідегі парақшасында өз кәсібін ерекше түрде сипаттаған.

«Мен атақты адамдарға шапан сыйлаймын», — деді кәсіпкер.