Алты жылға сотталған Сәкен Мамаш дипломат дәрежесінен айырылды
Фото: Spletnik
Елде резонанс тудырған іс бойынша бүгін үкім шықты: экс-дипломат Сәкен Мамаш темір торға тоғытылды, деп жазады Qazaq Today ақпарат порталы.
Сот оны бұрынғы жұбайы Карина Госманға жүйелі түрде қорлық көрсеткені үшін кінәлі деп танып, 6 жылға бас бостандығынан айырды.
Процесс жәбірленушінің өтінішімен жартылай жабық режимде өтті. Мамашқа тағылған айыптар мен сотта айтылған жантүршігерлік деректер қоғамды елең еткізді.
Бүгін таңертең Карина Госман мен оның адвокаты сот залына келді, бірақ журналистердің сұрақтарына жауап беруден бас тартты.
Сот үкімі күшіне енген соң Сәкен Мамаш қылмыстық-атқару жүйесінің мекемесіне жөнелтіледі.
