Шерзат өлімі: Басты күдікті пышақ салып жүруінің себебін айтты
Шерзат Болаттың өліміне қатысты өтіп жатқан сот процесінде басты күдікті Абзал Шынасыл жанжал болған күні пышақты не себепті өзімен бірге алып жүрген? Ол бүгінгі сотта бұл әрекетін түсіндірді, деп хабарлайды Qazaq Today ақпарат порталы.
Сот отырысында ол «Эйфория» кафесіне барар алдында төбелес болатынын білмегенін айтты.
Сөзінше, бұған дейін оған біреулер шабуыь жасаған.
«Бұған дейін Талғардағы «Арман» жанармай бекетінде үш белгісіз адам маған шабуыл жасады. Олар мені ұрып-соғып, көзіме ащы бұрыш шашып, пышақпен қуған еді. Сол кезде әрең қашып құтылдым», — деді сотталушы.
Ол осы оқиғадан кейін қауіптеніп, үйден шыққанда өзін қорғау үшін ас пышағын қалтасына салып алған. Ол бұл пышақты Ілияс пен Нұрқиясқа көрсеткен.
Сот процесі жалғасып жатыр.
