Дәулет Тұрлыханов қызметінен айырылды

Дәулет Тұрлыханов Азия күрес одағының президенті лауазымынан босатылды. Бұл туралы Qazaq.today порталы хабарлады.

Ұйымның жаңа президентін сайлау Иорданияда өтті. Дауыс беруге Азияның 38 ұлттық күрес федерациясының өкілдері қатысты. Сайлау қорытындысы бойынша, Азия күрес одағының президенті болып иорданиялық Мұхаммед Әл-Авамала сайланды. Ол бұл қызметті 2028 жылға дейін атқаратын болады.

Дәулет Болатұлы Тұрлыханов – грек-рим күресінен кеңес және қазақстандық белгілі спортшы әрі бапкер, Қазақстан Республикасы Мәжілісінің депутаты. Ол – КСРО-ның еңбек сіңірген спорт шебері және Қазақстанның еңбек сіңірген жаттықтырушысы.

Соңғы уақытта танымал спортшының есімі ұлына қатысты сот процесі аясында жиі аталған болатын.