Путин Украинадағы соғысты «бір шартпен ғана» тоқтатуға дайын екенін мәлімдеді

Фото: Алексей Даничев / РИА Новости

Владимир Путин Ресейдің Украинамен 30 күндік бітімге келуге дайын екенін мәлімдеді, деп хабарлайды Qazaq Today ақпарат порталы. 

Бұл туралы ол Мәскеуде Беларусь президенті Александр Лукашенкомен келіссөздердің қорытындысы бойынша өткен баспасөз конференциясында мәлімдеді.

«Біз әскери әрекеттерді тоқтату туралы ұсыныстармен келісеміз», – деді Путин.

Сонымен қатар Ресей президенті бұл ұсыныс тек ұзақ мерзімді бейбітшілікке әкелетін жағдайда ғана қабылданатынын атап өтті.

«Бұл тоқтау ұзақ мерзімді бейбітшілікке әкеліп, осы дағдарыстың бастапқы себептерін жоюға тиіс», – деді ол.

Айта кетейік, 11 наурызда Сауд Арабиясында өткен кездесу қорытындысы бойынша Украина егер Ресей де осындай қадамға барса, 30 күндік атысты тоқтату режимін дереу енгізуге келіскен еді.