46 адам қаза тапты: Әскери ұшақ апатқа ұшырады

Суданда әскери ұшақ апатқа ұшырап, 46 адам қаза тапты. Ұшақ елді мекеннің жанында орын алған. Қаза тапқандардың арасында жоғары дәрежелі әскери офицерлерден бөлек балалар да бар, деп хабарлайды Qazaq.today.

DW мәліметінше, апат ел астанасының солтүстік-батысындағы Омдурман қаласында орналасқан Суданның ең ірі әскери базаларының бірі — Вади Сейдн авиабазасының жанында болды. Армиянның хабарлауынша, «Антонов» әскери ұшағы ұшу кезінде апатқа ұшыраған. Қаза тапқандардың арасында әскери адамдар да, бейбіт тұрғындар да бар.

«Соңғы есептеуден кейін қаза тапқандар саны 46 –ға жетті, тағы 10 адам жарақат алды», — деді Хартум аймақтық үкіметінің баспасөз қызметі.

Бұған дейін денсаулық сақтау министрлігі қаза тапқандар саны 19 адамға жеткенін хабарлаған еді. Алайда, құрбандар саны әлдеқайда көп болып шықты.  Куәгерлер қатты жарылысты естігендерін және ұшақ құлаған аймақта көптеген үйлердің бүлінгенін мәлімдеді.

Апат сонымен қатар жақын маңдағы аудандарда электр қуатының үзілуіне әкелді. Құтқарушылар жаралыларды шұғыл эвакуациялады, олардың арасында балалар да бар. Зардап шеккендер жақын маңдағы ауруханаға жеткізілген.