Жібек Құламбаева Түркиядағы WTA 125 турнирінің жартылай финалына шықты
Қазақстандық теннисші Жібек Құламбаева Түркияның Самсун қаласындағы WTA 125 турнирінің жартылай финалына жолдама алды. Жұптық сында ол хорватиялық Луция Чирич-Багаричпен бірге ойнайды.
Сурет: ҰОК
Қазақстандық теннисші Жібек Құламбаева Түркияның Самсун қаласында өтіп жатқан WTA 125 санатындағы турнирдің жартылай финалына жолдама алды.
Бұл туралы Qazaqtoday.info сайты хабарлайды.
Отандасымыз жұптық сында хорватиялық Луция Чирич-Багаричпен бірге өнер көрсетуде. Төртінші нөмірмен тіркелген қазақстандық-хорватиялық жұп ширек финалда швейцариялық Наима Карамоко мен германиялық Нома Ноа Акугуэні жеңді.
Кездесу екі сетке созылып, 6:3, 6:4 есебімен аяқталды. Жеңіс Жібек Құламбаева мен Луция Чирич-Багаричке бұйырды.
Енді олар финалға өту үшін бірінші нөмірмен тіркелген ресейлік Елена Приданкина мен Анастасия Тихоноваға қарсы ойнайды. Жартылай финалдық кездесу 10 қазанда өтеді.
