Тірі қалғандар жоқ: Филиппиндегі жекеменшік ұшақ құлады

Филиппинде болған әуе апатында төрт адам қаза тапты. Бұл туралы Qazaq.today ақпарат агенттігі хабарлайды.

Жекеменшік ұшақ 6 ақпан күні Филиппиннің оңтүстігіндегі Магинданао-дель-Сур провинциясында құлады. Жергілікті БАҚ-тың мәліметінше, бортта болған барлық төрт адам қаза тапқан.

Қазіргі уақытта апат орнында құтқарушылар мен тергеушілер жұмыс істеуде. Әуе кемесінің нақты кімге тиесілі болғаны анықталып жатыр.

Әуе апаттары жиілеп кетті

Жақында ғана, АҚШ-та медициналық ұшақ – Lear 55 апатқа ұшыраған еді. Ол Филадельфия әуежайынан көкке көтерілгеннен кейін 30 секунд өткен соң радардан жоғалып, кейіннен апатқа ұшыраған. Бұл оқиғада алты адам – екі ұшқыш, екі дәрігер, бір науқас және оның туысы көз жұмған.

Әуе апаттарының себептері көбінесе техникалық ақаулар, ауа райының қолайсыздығы немесе адам факторымен байланысты болады. Филиппиндегі соңғы оқиғаның нақты себебі тексеру аяқталғаннан кейін белгілі болады.