6 лауазымды тұлға бар: Шымкент әкімдігінің шенеуніктері тендерлерді таныстарына беріп отырған

Фото: gov.cap.

Шымкент әкімдігінің шенділері тендерлерді таныстарына беріп келген. Мемлекеттік сатып алу саласында танысына басымдық берген шенеуніктер анықталды. Құзырлы орган заңсыздыққа барған қызмектерлерді жазалады, деп хабарлайды Qazaq.today.

Белгілі болғандай, Шымкент қаласында Ішкі мемлекеттік аудит департаментінде жүргізілген тексеру барысында қаралатын шағымдар бойынша шешімдер қабылдау кезінде жекелеген әлеуетті өнім берушілерге артықшылық беру, бір көзден шарттар жасасуда негізсіз келісу, аудиторлық іс-шаралар барысында анықталған бұзушылықтар бойынша шаралар қабылдамау, сондай-ақ енгізілген хабарламаларды орындамау жөнінде шаралар қабылдамау фактілері анықталған.

«Қолданыстағы заңнама нормаларын бұзу бойынша 59 факт, оның ішінде мемлекеттік қызметке кір келтіретін құқық бұзушылық белгілері бар 52 бұзушылық анықталған. Прокурорлық қадағалау актісін қарау нәтижесімен 6 лауазымды тұлға, оның ішінде департамент басшысының орынбасары тәртіптік жауапкершілікке тартылды. Аталған бағыттағы жұмыстар жалғасып жатыр», — делінген прокуратураның хабарламасында.