Балқашта ер адам үйімен бірге өртеніп кетті

Фото: istockphoto.com

Балқашта 10 желтоқсан күні шаруашылық ғимараты бар саяжай үйі өртеніп кетті. Оқиға орнында 55 жастағы ер адам көз жұмды, деп хабарлайды Qazaq Today ақпарат порталы.

Өрт Балқаштағы Пригородная көшесінде болған. Шатыр, терезе саңылаулары мен саяжай үйінің есіктері, үй құрылысы өртенді. Сол сияқты аулада шатыр астында тұрған көлік толығымен өртеніп кеткен.

Міне осы жерде өрт сөндірушілер 55 жастағы үй иесін өлі күйінде тапты.

Өрт аумағы 100 шаршы метрді қамтыды. Оқиғаның себебі анықталып жатыр.