Елдос Сметов бозкілемге нақты қашан оралатынын айтты

Париж олимпиадасының чемпионы Елдос Сметов бозкілемге қашан оралатынын айтты, деп хабарлайды Qazaq Today ақпарат порталы.

Дзюдо күресінен қазақтан шыққан тұңғыш олимпиада чемпионы Елдос Сметов бозкілемге жақын уақытта оралмайтынын мәлімдеді.

“Мен үшін Олимпиада енді аяқталды. Бұйырса, біраз демаламын. 2025 жылдың соңына таман татамиге ораламын. Мүмкін болса, 2026 жылдың қаңтары деп ойлаймын. Қазіргі таңда ағылшын тілін үйренбекпін. Келер жылдың қаңтар айында 4 айға Лондонға оқуға кетіп барамын. Қазіргі жоспар осы болып отыр. Кейін ақырындап жаттығуға кіріспекпін», — деді Елдос Сметов.

Айта кетейік, бұған дейін Елдос Сметовтің Тоқаевпен бірге Франция президентінің қабылдауында болғанын жазған едік.

Фото: yeldos60kg инстаграм парақшасынан