Астанада 6 мыңнан аса адам заңсыз салынған үйге ақша құйған
Астана қаласының прокуратурасы тұрғын үй кешендерін заңсыз салуға қатысты 16 қылмыстық іс қозғады, деп хабарлайды Qazaq.today.
Бұл ретте 6 мыңнан аса адам заңсыз құрылыс жүргізушілердің мүлкіне ақша құйған болып шықты.
«Сот прокурордың құны 7 млрд теңгеден астам аяқталмаған құрылыс нысандарын өндіру туралы 8 талап арызын қанағаттандырды. Салынып жатқан тұрғын үй кешендеріндегі пәтерлерді заңсыз сатқан 51 құрылыс салушы Әкімшілік құқық бұзушылық туралы кодекстің 320-бабы бойынша жауапкершілікке тартылды», — деп хабарлады ведомство.
Прокуратура рұқсат құжаттары болмаса да үлескерлерден қаражатты заңсыз жинаған Qurmangazy тұрғын үй кешенін қиратуға рұқсат алған.
