iPhone-дардан бейтаныс дауыстар естілді: Apple әзірге үнсіз
Вашингтон, АҚШ (20 қараша 2024) — АҚШ-та iPhone иелері телефондарынан түсініксіз дауыстар естіліп жатқанын айтып дабыл қақты. Apple смартфондарының қолданушылары әлеуметтік желілерде бұл ақаулыққа наразылықтарын білдіруде. Бұл туралы Qazaq.today ақпарат агенттігі хабарлайды.
Қолданушылар iPhone телефондарынан бейтаныс адамдардың дауыстарын естігендерін, бірақ оларға ешқандай аудио немесе бейне файлдардың сәйкес келмейтінін айтады.
Apple компаниясы бұл жағдайға әлі ресми түсініктеме берген жоқ.
Киберқауіпсіздік бойынша сарапшы Евгений Питолин мұндай жағдайлардың болуы мүмкін екенін, бірақ көбінесе олардың құрылғы өндірушілерінің емес, байланыс операторларының жұмысымен байланысты болуы мүмкін екенін айтады. Смартфондарда ақаулар қолданбалардағы қателіктерден туындауы мүмкін. Маман алаңдауға негіз жоқ деп санайды.
«Меніңше, бұл телефондағы ақпаратты бұзып алу емес. Оны ойдан шығарылған оқиға немесе белгілі бір қолданбадағы кемшілік, бастапқы кодтың сапасына байланысты болуы мүмкін», — деді Питолин.
