Әбиба Әбужақынова Қазақстанның еңбек сіңірген спорт шебері атанды

Фото: ijf.org

Қазақстандық дзюдошы, әлем және Азия чемпионаттарының жүлдегері Әбиба Әбужақыноваға «Қазақстан Республикасына еңбек сіңірген спорт шебері» атағы табысталды, деп хабарлайды Qazaq Today ақпарат агенттігі.

Ақтөбеде дзюдодан Қазақстан чемпионаты аясында спортшыға құрметті атақ куәлігін ҚР Туризм және спорт министрі Ербол Қуантайұлы Мырзабосынов табыстады.

Әбиба Әбужақынова — дзюдодан Қазақстанның танымал спортшысы, 3-ші дан (IJF) иегері, 48 келіге дейінгі салмақ дәрежесінде өнер көрсетеді. Ол 2022 және 2024 жылдары өткен әлем чемпионаттарының қола жүлдегері, сондай-ақ 2021 және 2022 жылдардағы Азия чемпионаттарының күміс жүлдегері.