Фото: instagram.com/yeleussinovdaniyar
Қазақстандық кәсіпқой боксшы Данияр Елеусінов 2025 жылдың ақпан айында рингке шығатын болды, деп хабарлайды Qazaq Today ақпарат агенттігі.
AllStarsBoxing ұйымының мәліметінше, отандасымыздың қарсыласы ретінде үш боксшының біреуі болмақ. Олар: Оңтүстік Африкадан шыққан 33 жастағы Тулани Мбенге, 31 жастағы ұлыбританиялық Крис Конго және 38 жастағы Венесуэла боксшысы Габриэль Маэстре.
Айта кетейік, Данияр Елеусінов үш жылдық үзілістен кейін биыл қыркүйек айында Алматыда AllStarsBoxing кешінде шаршы алаңға шығып, филиппиндік Джо Нойнаяны 5-раундта нокаутқа жіберген болатын.
