Жетісу облысында әскери қызметте тағы бір жауынгер қайтыс болды

«Жетісу облысында жауынгерлер офицерді қорлап өлтірген» дейді журналист Диас Нұрақын.

Жетісу облысында тағыда әскер өлімі тіркелді. Офицер тапсырыспен өлтірілген болуы мүмкін, деп хабарлайды…

Оқиға Жаркенттегі №74261 әскери бөлімінде болған.

«Офицердің мәйіті табылды. Инженерлік қызметтің басшысын қатардағы жауынгерлер ұстап алып, қол-аяғын байлап, айдалаға тастап кеткен. Ес-түссіз жатқан әскериді түнжарымда қаруластары тауып алыпты. Жедел-жәрдем шақыртқанымен Дәулет Нұрланұлын ажалдан арашалап қалу мүмкін болмады»,- деп жазды журналист.
Ал, марқұмды ұстап, қол-аяғын байлап тастау туралы бұйрықты үш жауынгерге барлау-шабуылдау бригадасының командирі берді деген ақпарат бар.

«Әскердегі бұл оқыс жағдайды жуып-шаюға тырысып жатқан сияқты. Себебі капитан Дәулет Нұрланұлы диверсиялық топтарға қарсы жоспардан тыс оқу-жаттығу кезінде көз жұмды деген мәлімет таралуда. Бұл қасақана кісі өлтіру ме, әлде абайсызда болған қылмыс па оны тергеушілер анықтауы тиіс», — деді Диас Нұрақын.