Тележүргізуші Дина Төлепбергеннің түрі жұртты шошытты
Танымал тележүргізуші Дина Төлепбергеннің кезекті бағдарламасына арнап дайындаған образы жұртты шошытты, деп хабарлайды Qazaq Today ақпарат агенттігі.
Тележүргізуші өзінің бейнесіне қатысты ойын жеткізді.
«Түрімді көріп, шошымаңыз… Өзімнің жаңа бағдарламамның соңын Тіріғали мен Мағрипа аяқтасын деп шештік. Расында, әр бейнеге ену – түйсігіңді тереңдетуге жетелейді екен.
«Неге осы образ?» – деп ойланып көріңізші. Бұл жай ғана кейіп емес, жүректен шыққан үн», — деп жазды Дина Төлепберген.
Тележүргізушінің образына қатысты желі қолданушылары түрлі пікір білдірді:
«Жамандық шақырмашы құрсын, бұрынғы әдемі Дина болып қалшы», «Бұл образ жараспайды, Құдай сақтасын!», «Баяғы дұрыс Дина ұнайды аман жүріңіз», «Мәә шошып кеттім», — деп жазды желі қолданушылары.
