Солтүстік Қазақстаннан шыққан сепаратистерге қарсы қылмыстық іс қозғалды
Солтүстік Қазақстан облысында өздерін «Халық кеңесі» деп жариялаған сепаратистерге қарсы қылмыстық іс қозғалды, деп хабарлайды Qazaq.today ақпараттық порталы облыстық полиция департаментіне сілтеме жасап.
«Бұл ақпарат Солстүстік Қазақстан облысы полиция департаментінде тіркелді. Жедел тергеу шаралары жүріп жатыр», – делінген СҚО полиция департаменті берген ақпаратта.
Әлеуметтік желіде өздерін «Халық кеңесін» құрушылар деп жариялаған бір топ адамның видеосы тарады. Видео жедел тарап, қызу қоғамдық талқыға түсті.
Тараған бейнежазбада 19 наурызда Солтүстік Қазақстанда әлдебір 19 адам жиналып, «Халық кеңесі» құрылғанын жария етіп, тіпті оның «жарғысының» жобасын, «декларациясын» қабылдап, төрағасы мен хатшылығын да сайлап тастаған. Қазіргі кезде әлеуметтік желіде тараған видео қызу талқылануда.
