Қазақстан Үкіметі таратылды

Мемлекет басшысы Қасым-Жомарт Тоқаев Қазақстан Республикасы Үкіметінің өкілеттігіне байланысты қаулыға қол қойды. Бұл туралы Ақорда жазды.

Президент Қазақстан Республикасы Конституциясының 70-бабының 1-тармағына, «Қазақстан Республикасының Үкіметі туралы» Қазақстан Республикасы Конституциялық заңының 4-бабына сәйкес жаңадан сайланған Қазақстан Республикасы Парламенті Мәжілісінің алдында Қазақстан Республикасы Үкіметінің өкілеттігін доғаруына байланысты қаулы шығарды.

«1) Қазақстан Республикасы Үкіметінің жаңа құрамы бекітілгенге дейін Қазақстан Республикасының Үкіметі өз міндеттерін атқаратын болсын.

2) Осы Жарлық қол қойылған күнінен бастап қолданысқа енгізіледі», — делінген қаулыда.

Qazaq.today