Теміртауда 63 жастағы әйел бірге тұратын ер адамды пышақтап өлтірген
Фото: pixabay
Теміртауда 63 жастағы әйел бірге тұратын ер адамды өлтірді деген күдікке ілінді, деп хабарлайды Qazaq Today ақпарат порталы.
Бүгінде кісі өлтіру дерегі бойынша қылмыстық іс қозғалды.
«21 қазанда Теміртау қаласында қылмыстық іс қозғалды. Полиция қызметкерлері қылмыс жасады деген күдікпен жәбірленушінің бірге тұратын 63 жастағы әйелін анықтап, ұстады», — деп хабарлады Қарағанды облыстық полиция департаменті.
Мас күйде болған әйелдің ер адамға пышақ жарақатын салғаны айтылады.
Күдікті уақытша ұстау изоляторына қамалды. Тергеу амалдары жүргізіліп жатыр.
Полицияның мәліметінше, осыған дейін әйел мен ер адам есепте тұрмаған.
