БҚО-да қаңғыбас ит бес жастағы қызды ойын алаңында талап тастады

БҚО-да қаңғыбас ит 5 жастағы қызды талап тастады. Оқиға Бөрлі ауданының Ақсай қаласында орын алған. Facebook-ке тараған мәліаметке қарағанда сәби ауыр жараланған. Жергілікті  «Мой город» басылымының жазуынша, иттер қаланың  солтүстік бөлігіндегі Алексеев көшесіндегі ойын алаңында шабуыл жасаған.

БҚО денсаулық сақтау басқармасы 11 қазан күні түстен кейін аудандық ауруханаға бірнеше рет тістеген жаралары бар бес жасар қыз жеткізілгенін хабарлады.

«Қабылдау кезінде травматикалық шок белгілерін ескере отырып, бала реанимация бөліміне жатқызылды. Анальгетикалық терапия, жараларды алғашқы хирургиялық емдеу, сіреспеге қарсы сарысумен шұғыл вакцинация жүргізілді. Реанимация бөлімінде болған кезеңде баланың жағдайы тұрақтанды. Ол хирургия бөліміне ауыстырылды», — делінген хабарламада.

Ведомство қазір қыздың жағдайы орташа ауырлық дәрежесі ретінде бағаланатынын атап өтті.