Ақтөбеде жол апатынан бір отбасының 5 адамы қаза тапты
Жол апаты кезінде бір отбасынан 5 адам мерт болды, деп хабарлайды Qazaq Today ақпарат порталы.
Самара — Шымкент тасжолындағы апаттан соң Қобда аудандық ауруханасына жеткізілген баланы аман алып қалу мүмкін болмады.
«Жедел жәрдем алғашында 3 жасар бала деп шамалап айтты. Түрлі дене жарақатын алған баланы аман алып қалу мүмкін болмады. Дәрігерлер 30 минут бойы жанталасқанымен, 2020 жылы туған бала көз жұмды. Ал ауруханаға түскен жүргізушінің жағдайы бірқалыпқа түсті. Қазір есін біледі, бірақ жағдайы ауыр. Оны санавиациямен Ақтөбе облыстық көпсалалы ауруханаға жеткізу жолы қарастырылып жатыр», — деп хабарлады Ақтөбе облыстық денсаулық сақтау басқармасының баспасөз қызметі.
Қайтыс болған екі адам — 12 жастағы қыз және 14 жастағы ұл. Жедел жәрдем 4 жасар бала мен 1996 жылы туған жүргізушіні ауруханаға жеткізген болатын.
