Түркістандағы дәмхана мұржасынан өрт шықты
Түркістан қаласы 32-көшедегі көпқабатты тұрғын үйдің бірінші қабатында орналасқан дәмхананың мұржасынан өрт шықты. ТЖМ өртті толық сөндірді.
Сурет: Видеодан скриншот
Түркістан қаласы 32-көшеде көпқабатты тұрғын үйдің бірінші қабатындағы дәмхананың мұржасынан өрт шықты. Бұл туралы Төтенше жағдайлар министрлігі хабарлады.
Бұл туралы Qazaqtoday.info сайты хабарлайды.
Ведомствоның дерегінше, өрт ошағы дәмхананың асүй бөлмесінде тіркелген.
«Нысанның орналасуына байланысты өрттің басқа бөлмелерге және тұрғын үйдің жоғарғы қабаттарына таралу қаупі болды. Төтенше жағдайлар министрлігінің бөлімшелері оқиға орнына жедел жетіп, өртті сөндіруге кірісті. Өрт сөндірушілердің үйлесімді әрекеттерінің арқасында оттың таралуына жол берілмеді. Өрт толық сөндірілді», — делінген ведомство хабарламасында.
