Жекпе-жек ойымдағыдай өтпеді, Қытай қызы алдап кетті – Назым Қызайбай

Боксшы алтын медаль алғысы келгенін, алайда жоспары жүзеге аспағанын айтты.

Париж Олимпиадасының қола жүлдегері атанған боксшы Назым Қызайбай жартылай финалдағы жекпе-жегінен кейін пікір білдірді.

Боксшы жекпе-жек ойындағыдай өтпегенін атап өтті.

«Ойымдағыдай болмады, кеш бокстастық. Ұтуға барымды салдым. Бірақ Қытай қызы алдап кетті. Арасында қатты ұрамын деп қатып қалдым. Қатты тырыстым, содан шығар. Барлық қарсылас бірдей ғой. Қатты ұтқым келді, кішкене ақылмен жұмыс ойдағыдай болмай қалды. Алдап кетейін деп едім, ол ақылды болып шықты. Әрине, әттеген-ай бар. Алтын медаль алғым келген еді», – деді ол журналистерге берген сұхбатында.

Айта кетейік, 50 келі салмақ дәрежесінде шаршы алаңға шыққан қазақстандық боксшы әлем чемпионы, Азия ойындарының жеңімпазы Ву Юден жеңілді.