Өзбекстанда шенеуніктерді рұқсатсыз тергеуге қылмыстық жаза енгізілді
Өзбекстанда президент әкімшілігінің лауазымды тұлғаларын заңсыз ұстағандарға сегіз жылға дейін түрме жазасы енгізілді. Заң 15 қазанда күшіне енді.
Фото: freepik
Өзбекстанда президент әкімшілігінің лауазымды тұлғалары мен бірқатар мемлекеттік орган өкілдерін заңсыз ұстаған немесе оларға рұқсатсыз тергеу жүргізген адамдарға қылмыстық жаза қарастырылды. Тиісті құжатқа Президент Шавкат Мирзиёев қол қойған және ол 15 қазанда күшіне енген.
Бұл туралы Qazaqtoday.info сайты хабарлайды.
Жаңа заң бойынша, қолсұғылмаушылық мәртебесі бар адамдарды заңсыз ұстаған, мәжбүрлеп әкелген немесе оларға қатысты тергеу әрекеттерін жүргізгендер үш жылдан бес жылға дейін бас бостандығынан айырылуы мүмкін. Мұндай әрекеттерге бұйрық бергендер де жауапқа тартылады.
Егер заң бұзушылық қайталанса, оны бірнеше адам алдын ала келісіп жасаса немесе күш қолданылса, жаза бес жылдан сегіз жылға дейін ұлғаяды. Дәлелдерді қолдан жасау, адамды заңсыз қамауға алу және қылмыстық жауапкершілікке тарту да осы санатқа кіреді.
Енді мұндай әрекеттер үшін сегіз жылға дейін түрмеге қамалуы мүмкін.
