Сәбиді тастап кету фактісін хабарламаған медицина ұйымдарына жаза күшейтілмек
Ішкі істер министрлігінің бастамасымен әзірленген бұл ұсыныс «Ашық» НҚА порталында жарияланды. Атап айтқанда, жаңа өзгеріске сай, ҚР Әкімшілік құқық бұзушылық кодексіне жаңа 135-1-бабы енгізілмек, деп хабарлайды Qazaq.today Ulys.media.kz-ке сілтеме жасап.
«Мемлекеттік медициналық ұйымдар және жетім балалар мен ата-анасының қамқорлығынсыз қалған балаларға арналған ұйымдардың лауазымды адамдарының жаңа туған баланы тастап кету, жетім балалар мен ата анасының қамқорлығынсыз қалған балалардың келіп түсуі және жеткізілуі фактісін 3 күнде хабарламауы ескерту жасауға әкеп соғады.
Көзделген әкімшілік жаза қолданылғаннан кейін бір жыл ішінде қайталап жасалған дәл сол әрекет үшін 10 айлық есептік көрсеткіш мөлшерінде айыппұл салуға әкеп соғады», — деп жазылған жаңа редакцияда.
Qazaq.today
