«Жаназасына бара алмадық»: Аша Матайдың ағасы бақилық болды (ВИДЕО)
Жасы небәрі 38-де еді. Қайтеміз, Алланың жазғаны.
Танымал әнші Аша Матайдың туысқан ағасы дүниеден озды. Жуырда оның қайын атасы дүниеден өткен еді, деп хабарлайды Skifnews.kz ақпарат порталы.
Шоу-бизнес өкілі бұл туралы әлеуметтік желідегі парақшасында жазды.
«Қайын атамның қайтқанына – 40 күн. Қолдау көрсетіп келген, хабарласқан әр жанға алғыс айтамыз. Құдайым сауаптан жазсын. Жүрегіміз тілім-тілім, еңсемізді енді көтереміз дегенде, әкемнің інісі, менің ағам Досербеков Дарын Сансызбайұлы бақилық болды. Бүгін Талдықорған қаласында жаназасы мен асы өтті. Біз жолдасыммен бара алмадық. Өз жұртым, ата-анам сол жақта. Жасы небәрі 38-де еді. Қайтеміз, Алланың жазғаны. Жатқан жері жайлы, иманы саламат болсын! Жылы сөздеріңізге рақмет, инста достарым! Отбасыларыңыз аман, үйлеріңізде той, қуаныш көп болсын!», – деп Аша Матай желіде жазба жариялады.
Желі қолданушылары Ашаның ағасы мен қайын атасына көңіл айтып, иман байлығын тілеп жатыр.
