Латвия Ресейді әлемдік хоккейге жібермеу үшін Еуропа коалициясын құруда
Латвия Сыртқы істер министрі Байба Браже Ресейді халықаралық хоккей турнирлеріне жібермеу үшін еуропалық елдер коалициясын құру жұмыстарын жүргізіп жатқанын айтты.
Сурет: sports.kz
Латвия Сыртқы істер министрі Байба Браже Ресей құрамасын халықаралық хоккей турнирлеріне қайта жіберуге қарсы еуропалық елдер коалициясын құру жұмыстары жүргізіліп жатқанын мәлімдеді. Бұл туралы TV3 телеарнасына сілтеме жасап, Sports.kz хабарлады.
Бұл туралы Qazaqtoday.info сайты хабарлайды.
«Латвия Ресей хоккей құрамасының халықаралық турнирлерге қайта оралуына қарсы өз ұстанымын анық білдіретін елдер тобын құру бойынша белсенді жұмыс жүргізіп жатыр», — деді Браже.
30 қазанда Спорттық арбитраж соты (CAS) Халықаралық хоккей федерациясын (IIHF) Ресей құрамаларын 2026/2027 маусымындағы халықаралық жарыстарға жіберуге міндеттеді. Осыдан кейін бірқатар еуропалық хоккей қауымдастықтары ресейлік команданың қайта оралуына қарсы шығып, 2027 жылы Германияда өтетін әлем чемпионатында онымен ойнаудан бас тартатынын мәлімдеді. Атап айтқанда, мұндай ұстанымды Финляндия, Швеция, Норвегия, Дания және Латвия білдірді. IIHF CAS шешіміне көңілі толмағанын білдіргенімен, оны орындауға ниетті екенін мәлімдеді.
