Алматы прокурорлары 960 гектар жерді Ұлттық банкке қайтарып берді
Алматы прокурорлары 960 гектар жерді Ұлттық банкке қайтарып берді, деп хабарлады Qazaq.today тілшісі.
Қала прокуратурасы сот актілері мен сот үкімдерін талдаудың негізінде Capital Bank Kazakhstan АҚ мен AsiaCreditBank АҚ таратылған банктердің жалғыз акционері саналатын борышкердің (жауап беруші Ш.-ның) активтері шығарылғанын анықтады.
Жауап берушінің қарызы 15 млрд теңгеден асады.
«Прокуратура ҚР Ұлттық Банкінің мүддесіне жауап беруші Ш.-ның жер учаскелерін сату-сатып алу шарттарын жарамсыз деп тану жөнінде талап арыз берді. Алматы облысы Іле аудандық сотының шешімімен Алматы қаласы прокуратурасының талап-арыздары толық көлемде қанағаттандырылды», – делінген прокуратура хабарламасында.
Сот алқасының қаулысымен сот актісі өз күшінде қалдырылды.
