Газада он бала аштықтан көз жұмды
Фото: ЮНИСЕФ
Дүниежүзілік денсаулық сақтау ұйымының басшысы Тедрос Адханом Гебрейесус Газа секторының солтүстігіндегі Камал Адван балалар ауруханасында он баланың аштықтан өлгенін айтты. Бұл туралы Qazaq Today ақпарат агенттігі Stan.kz — ке сілтеме жасап хабарлайды.
ДДСҰ Газа 2023 жылдың қазан айынан бері 2 наурызда ғана алғаш рет барған. Газаға 9500 литр жанармай мен қажетті дәрі-дәрмек жеткізілді. Камал Адван ауруханасы – Газаның солтүстігіндегі жалғыз балалар ауруханасы.
Азық-түлік тапшылығы он баланың өліміне әкелген.
Электр қуатының болмауы пациенттердің күтімі мен денсаулығына үлкен қауіп төндіреді. Әсіресе, жансақтау бөлімі және нәрестелер бөліміне қауіп төніп тұр.
Еске салсақ, бұған дейін АҚШ президенті Джо Байден Газа тұрғындарына әуеден азық-түлікті лақтыратынын мәлімдеген еді.
