Алматыда Қызыл кітаптағы ителгілерді Қатарға әкетпек болғандар сотталды
Алматыда жеті ителгіні Қатарға заңсыз әкетпек болған үш адам жеті жылдан бас бостандығынан айырылды. Сот олардың ҰҚК шекара қызметкеріне 21 мың доллар пара бергенін анықтады.
Фото: freepik
Алматыда жеті ителгіні Қатарға заңсыз әкетпек болған үш адам жеті жылдан бас бостандығынан айырылды.
Бұл туралы Qazaqtoday.info сайты хабарлайды.
Сот олардың Қызыл кітапқа енген құстарды әуежайдан кедергісіз өткізу үшін ҰҚК Шекара қызметінің қызметкеріне 21 мың доллар пара бергенін анықтады.
Үкімді Алматы қаласының Түрксіб аудандық соты 2026 жылғы 3 маусымда шығарған. Іс бойынша Ауғанстан азаматы Мохаммад Азам Ибрагим, Қазақстан азаматы С. А. және Ресей азаматы Абу Джабал Идрис Ибрахим Идрис сотталған. Үшеуі де алдын ала сөз байласып пара бергені және сирек кездесетін құстарды шетелге заңсыз шығаруға оқталғаны үшін кінәлі деп танылған.
